独幕粤剧《补镬》

    原编剧：唐周 徐叔华

    改编：区志刚李燕庭余虹民

    饰演：小神鹰 苏定闲 梁青

    时间：上世纪六十年代

    地点：某农村

    人物：刘大婶，养猪能手

    刘兰英，大婶独生女

    李小聪，青年补获匠

    佈景：农家院落

    (百花亭闹酒启幕·小猪叫声介)

    刘大婶【内场白】嚟萝、嚟萝！仲叫乜野。

    (锣边相思·大婶端猪潲上·喂猪介)

    刘大婶【梆子中板】 (长序) 我叫刘大婶，人人都识我，喜事在心笑呵呵，(笑介)真喺快乐不知，时日过。我养了队里，一只好猪乸，一胎就生下，猪花十几个，只只肥头耷耳嘴噘噘，圆圆椂椂，肉多多。

    刘大婶【十字清】 (唱白)

    社员们，纷纷来我家订货。我门口阶基石，踩嘎、踩嘎、踩成一个脚印窝。只怪我，粗心大意闯了祸。打破左猪潲获，我急呀、急呀、急到我无可奈何。

    刘大婶【七字清】

    拿了饭煲当猪潲获。饭煲细小潲又多。啲猪仔整日嘈肚饿。碰跌潲桶又拱倒箩。咬烂南瓜大半个。食左白菜有十一棵。又食左一篮青豆角。

    刘大婶【直转穆瓜腔】

    调皮猪，仲追入房，咬住我，拦住我，扯我，拦我，缠我，缠到双脚好比，呀！绑住大秤砣。又错手，打破了…

    (楔白)喺喺广州买嘅、又喺镶金边嘅、画左彩凤嘅、喺我娘家嘅…

    刘大婶【接唱】妆嫁茶壶一个。

    (士工相思楔白)

    (见猪仔食饱走散，急赶猪入栏、数猪；发现一只猪仔未入栏，赶！最后捉住。疼爱地)

    刘大婶【七字清】

    喺你带头嘈肚饿。喺你带头拱倒箩。

    刘大婶【三字清】

    食得肚圆圆，似皮球一个。好嚹乖乖地瞓觉，不准再萝嗦。(关猪介)

    刘大婶【五槌滚花】

    猪仔日日大，食潲食得多，偏在这时将潲获打破。

    刘大婶【韵白】

    哈！本想话添翻一个嘅，但喺又要花费队里七文几。想落又唔符合增产节约嘅原则。阿兰英话去请补获佬，相约在今日；哈，而家日晒屋梁勒，人仲未到嚟，我心急。

    唉！听讲话哩个俏皮女，喺外面找左个对象，姓乜、名乜、人品呀、相貌呀、职业呀、年龄呀，嘿！都瞒得我密密实实。阿兰英呀兰英，其实你唔讲呀，我都晓得！佢叫乜野……？佢叫乜野李小聪，住在南朗村北。呀！佢噚日一定喺冇去叫补获佬，一定喺去左佢对象嘅屋企呀。好！等我叫佢返嚟，问明至得。

    (向内)兰英，兰英！(冇人应，向外大声叫)兰英！

    (兰英内应介：哎！)

    刘大婶【白】你啲猪菜洗成嚸咖？

    (兰英内应介：洗好嚹。)

    刘大婶【白】洗好仲唔快啲返嚟?!

    (兰英内应介：嚟嚹。)

    (猪叫介/大婶：咪嘈萝，咪嘈萝。下介)

    (入场锣鼓，刘兰英轻快上介)

    刘兰英【士工慢板】

    堤边红荔挂满枝，天上彩霞光映河，小艇载瓜又载果，桨儿惊散，戏水鹅。我与小聪同上学，去年高唱毕业歌，建设美好新农村，我俩热情，红似火。回乡劳动情意合，我生产来他补获，怎奈妈妈思想不正确，说补获哩行，都低得多。前天我妈妈，失手打破获，趁热打铁做工作，哩一个时机，勿放过。(进屋介)

    刘兰英【白】妈！(大婶上介)

    刘大婶【白】

    兰英，返嚟嚹？(英：返嚟嚹！)兰英，嚟，阿妈有啲野问嘎你。

    刘大婶【迭芙蓉】我我我，我叫你揾补获佬。

    刘兰英【楔白】我去，去左嚹。

    刘大婶【楔白】去左萝？

    刘大婶【接唱】

    去你个俏皮鬼，你莫来骗我。哼！你…你呀，你根本冇叫补获佬。

    刘大婶【楔白】你喺去……

    刘兰英【楔白】去边度呀？

    刘大婶【接唱】

    去你对象屋企打牙骹，把时光消磨。

    刘兰英【急白】

    冇呀，冇呀。妈！你唔好乱咁讲说话呀。

    刘大婶【白】

    哎吔，你睇嘎佢呀，神色唔对！兰英，你噚日到底去边度呀？

    刘兰英【白】都话去请补获匠。

    刘大婶【白】你真喺去请萝？

    刘兰英【白】真喺去请。

    刘大婶【白】喺请补获佬?!

    刘兰英【白】喺请补获匠。

    刘大婶【白】咁嚸解日晒屋梁，仲唔见人影呀？

    刘兰英【白】

    妈，你急羊野唧，到时佢就会嚟嘅嚹。

    (猪叫介/大婶叹气/出门张望介)

    刘大婶【白】

    哎呀，你听嘎，你听嘎！冇获煮猪潲呀，阿妈嚸解会唔急咖。

    刘兰英【故意介/白】妈，今日喺初几呀？

    刘大婶【白】今日喺初一萝。

    刘兰英【白】初一…?!

    呀，妈阿妈，噚日补获师傅讲：佢话初一唔嚟就十五嚟，十五唔嚟，三十一定嚟！(轻一槌介)

    刘大婶【急白】乜野话！要等咁耐咖？

    刘兰英【夸张地/白】

    鲠喺啦，人的补获师傅呀，忙得氹氹转。今日又到樟村，明日又到洗村，后日到李村，大后日……

    刘大婶【白】哎呀，我怕佢飞得上天！

    刘兰英【白】

    佢飞唔飞上天，就喺佢嘅事，总然之轮到我的屋企，就喺月底。

    刘大婶【白】

    嘎！哎呀傻女呀。咁嚸解当时，你唔拖佢返嚟呀？

    刘兰英【白】

    嘎！嚸呀嚸呀？要我拖……，阿妈，咁嚸好意思呀？

    刘大婶【白】哼！

    乜野唔好意思呀？拖个补获佬返嚟补获，喺正大光明嘅事，又唔喺叫你拖女婿，你呀真喺封建脑筋！

    刘兰英【试探地/白】封建脑筋…?!

    阿妈，如果我的屋企有个会补获嘅，咁你话几好呀！

    刘大婶【白】仲使讲，就喺可惜冇。

    刘兰英【白】

    咁……咁你老人家，可以揾个会补获嘅做女婿呀。

    刘大婶【白】嘎！羊野话？你话羊野话？

    刘兰英【白】

    我话呀，你老人家，可以揾个会补获嘅做女婿呀。

    刘大婶【白】唓！

    嚸解要揾个补获嘅嚟做女婿呀？个获烂左，揾佢返嚟补嘎就差唔多，揾个补获佬嚟女婿，我怕佢想烂心肝。

    刘兰英【白】

    妈，照你咁样讲，世间嘅补获佬，就唔使娶老婆嘅啦?!

    刘大婶【白】哎呀！

    人的娶唔娶老婆关你乜野事呀！俗语讲得好，“养女莫嫁补获汉，黑口黑面似玄坛”。

    刘兰英【白】

    妈，不过，我又听到有人喺咁讲啵！佢话：“你莫看轻补获汉，佢为大家流黑汗，张家拉来李家嗌，一副家罉都抢烂”。

    刘大婶【旁白】

    哎呀，你睇佢，将个补获嘅捧上天。唉！唔通佢个李小聪，喺个补获佬？(作稍思状)哎呀，唔想唔似，越想越似呀。

    (对兰英)唉！兰英呀！

    刘大婶【减字芙蓉】

    婚姻本喺大事情，你找对象应看准。若然嫁个补获佬，会误了你终身。

    刘兰英【接唱】

    行行职业都光荣，补获这行也要紧。老眼光睇新事物，阿妈真喺旧脑筋。

    刘大婶【接唱】哎呀！

    乜野光荣唔光荣，补获名声喺低一等。佢屋角檐前到处踎，一面墨黒尽灰尘。

    刘兰英【三字清】

    满面灰尘，有乜要紧。补获也是，为人民。

    刘兰英【七字清】

    干革命不分贵和贱。没有补获，也不行。(腔)

    刘大婶【白】

    兰英，到底你嗰个李小聪，喺搞乜野嘅？喺唔喺个补获佬？嘎！

    刘兰英【白】唔喺！唔喺！

    刘大婶【白】当真唔喺！

    刘兰英【白】当真唔喺！

    刘大婶【白】果然唔喺！

    刘兰英【白】果然唔喺！

    唔喺就唔喺啦！妈，嚸解你咁唔相信人嘅唧！

    刘大婶【白】好萝好萝！

    唔喺，唔喺！唔喺就好萝。兰英呀，阿妈就喺唔放心，我怕你选错对象呀。拿，好似你咁嘅高中毕业生，乜野爱人唔好选呀？呢，你应该揾返个：有文化嘅、有技术嘅、职业好嘅、有前途嘅、贡献大……

    刘兰英【白】妈！你试又嚟勒。

    刘大婶【白】好，阿妈唔讲萝，阿唔讲萝。

    刘兰英【自语/白】嚸解佢咁耐都唔嚟嘅呢？

    刘大婶【白】哎！

    兰英，你促徛喺度做乜野呀？仲唔快啲去催嘎佢。

    刘兰英【白】

    好，我去催，我去催！(欲下回头介)

    刘大婶【白】唉！

    兰英，你又试返转头做乜野呀？

    刘兰英【白】

    妈呀，我返嚟梳嘎个头，换翻件衫呀嘛。

    刘大婶【白】哎呀！

    梳乜野头，换乜野衫？又唔喺去相睇对象。

    刘兰英【白】妈！

    你睇，我而家咁样出去呀，邋遢死啦！如果喺咁呀，人的实会话：“你的快嚟睇呀，快嚟睇呀，哩个呀，就喺刘大婶教出嚟嘅好女儿嚹”！

    刘大婶【白】

    哎呀，好萝好萝好萝！咪吱哩喳拿萝，要换就快去换萝！ (兰英下介)睇你哩个俏皮女呀…… (笑下介)

    李小聪【喊叫/白】补获！

    (大撞点，李小聪挑补获担上)

    李小聪【长句二流】

    田园披彩绿，到处唱新歌，我支援农业心似红炉火，肩挑风箱越岭，又过河。(合)

    补获哩一行，虽是小手艺，但螺丝虽小用处大，只要群众称心，我何惜咙喉喊破。(上)

    (喊叫白：补获！)

    李小聪【快打慢二流】

    一副家罉穿南北。(士)

    人人见我笑呵呵。(尺)

    担挑挑满阶级情。(合)

    李小聪【合尺花】落雨翻风无间阻。(上)

    李小聪【喊叫/白】

    补获，有烂获快啲拧出嚟补啦！

    刘兰英【西皮连序/边唱边上介】

    喊叫声声听到真，分明佢口音。笑颜开，喜在心，我喜在心。我整衣衫，笑吟吟，急步出门行。(出门见小聪介)小聪！

    李小聪【白】兰英！

    刘兰英【近前轻声/白】

    小聪！嚸解你而家先至嚟嘅？

    李小聪【白】因为我的补获组开会呀！

    刘兰英【白】真喺急死人嚹！

    李小聪【白】我而家立即入去补。

    (走近担挑，兰英拦介)

    刘兰英【白】咪住！

    李小聪【白】嚸解呀？

    刘兰英【白】

    我阿妈，而家仲喺睇唔起补获嘅呢。

    李小聪【白】哦！

    佢老人家，有啲旧观点，我的要耐心说服呀。

    刘兰英【秃白榄】

    你又唔知到，我道理讲左几箩，佢当作喺耳边风，不瞅又不睬。趁今日喺个机会，帮助佢认识过来。

    李小聪【楔白】你有乜野办法帮佢改呢？

    刘兰英【楔白】

    办法，我已想出嚟勒：等一阵我阿妈，睇唔起补获嘅，你就故意唔帮佢补获。走啦！

    李小聪【白榄】走?!哎，唔得。

    哩个办法行唔通，对支援农业有障碍。佢虽然睇唔起补获，我为佢补获亦应该呀。

    刘兰英【白】

    小聪，我睇只有咁样，先使佢认识到：“如果冇补获嘅，就唔得”。

    李小聪【白】

    咁都好。我等阵见到你阿妈，咁我嚸样称呼呀？

    刘兰英【白】就叫伯母。

    李小聪【白】哦，叫外母！

    刘兰英【白】

    哎，唔得唔得！小聪呀，暂时叫住刘大婶先喇！

    李小聪【白】好，我暂叫刘大婶！

    刘兰英【白】小聪呀，叫啦！

    李小聪【喊叫/白】

    补获！补铜煲、锑煲、锅杂(搪瓷)、面盘、铁水桶。

    刘兰英【白】小聪呀，大声啲嗌呀！

    李小聪【白】大声呀？(喊叫)

    补获，有烂获快啲拧出嚟补啦！

    刘兰英【白】妈呀，补获师傅嚟嚹！

    (刘大婶急出门，兰英迎介)

    刘大婶【白】

    补获师傅嚟嚹，喺边度呀？(高兴地迎上)补获师傅…

    (突见小聪是年轻人，仄槌/愕然介)哼，喺个后生仔。后生仔呀，乜你…会补获嘅羊？

    李小聪【清歌】

    不会补获我不来，补得唔好你拆招牌呀！

    刘大婶【楔白】

    哎吔，真喺有趣咯，仲会唱歌嚟答话添。

    李小聪【清歌】

    而今日子天天好，我心头快活歌仔成箩。

    刘大婶【楔白】

    心头快活就爱唱歌…对！唉，后生哥呀，你姓乜野咖？

    李小聪【清歌】

    十八子就喺我姓，桃花同我一起报春来。

    刘大婶【沉吟/白】

    十八子、桃李同报春…?!十八子喺李，桃李争春…唉！后生哥呀，你鲠喺姓陈李张黄何嗰个“李”。

    李小聪【白】正喺姓李。

    刘大婶【白】咁你叫李乜野呀？

    李小聪【口快快地/白】我叫李小…

    (兰英诈咳急止，大婶追问“小乜野”介)

    李小聪【急中生智介/白】小名叫做满仔呀。

    (兰英、大婶等松一口气)

    刘大婶【白】喺哩，你读过书未呀？

    李小聪【白】读过，高中毕业！

    刘大婶【三脚凳】乜野话?!

    你喺高中毕业生？

    李小聪【接唱】

    我并毋欺骗你。难道大婶你不相信？

    刘大婶【接唱】我相信?!

    佢向我吹牛皮。佢一定喺懒读书，才做补获仔。若然有学问，就应该大有作为。

    刘大婶【滚花】后生哥呀，咁嚸解…

    你唔去考大学，甘愿学补获哩一门手艺。

    李小聪【白】

    响应党号召，支援农业第一线！

    刘大婶【白】哎吔，同我兰英讲嘅一样。

    李小聪【口快快地/白】本来就喺一样！

    刘大婶【白】羊野话？(追问介)

    李小聪【支吾/白】

    我话…喺，搞乜野劳动都喺一样…。大婶，你老人家喺咪要补获呀。

    刘大婶【白】

    喺呀喺呀！我想补翻只猪潲大获。唉！都怪我一时粗心大意，哩几日饿到啲猪仔哕哕叫。

    (小聪正与兰英低语，心不在焉地)

    李小聪【白】哦，瓜瓜叫！

    刘大婶【白】

    咁我用个饭煲皧嚟煮猪潲啦，搞到人都唔能够依时食。

    李小聪【白】一齐食呀。

    刘大婶【白】

    兰英呀，入去帮阿妈攞只获出嚟啦。

    (兰英应介/大婶对小聪/白)

    拿，你等嘎先，我入去攞只获出嚟呀嘎。

    (小聪开炉/大婶兰英抬获上)

    刘大婶【白】拿师傅仔，拿你同我睇嘎只获啦。

    李小聪【白】哦，大婶呀，你哩只获烂左哩一度。

    刘大婶【白】喺萝，要同我补好啲至得啵。

    李小聪【白】得勒，我同外母补获…

    刘大婶【白】羊野话？羊野话？(追问介)

    李小聪【发现露出马脚，支吾/白】

    哦…我话上次同我外母补获补得好好，哩次同你老人家补呀，一定要补得好嘅。

    刘大婶【白】

    唔，要补好啲至好嘎。师傅仔呀，你补呢只获头，要几多钱呀？

    李小聪【白】嘎！就三毫子啦。

    刘大婶【白】

    三毫呀！好啦好啦，三毫就三毫啦。喂，最紧要补好啲，嘎。

    李小聪【白】得嚹！

    刘大婶【发现小聪的书/白】

    咦，真喺睇唔出啵，过村补获仲带埋本书添呀嘎。哩本喺羊野书嚟咖。

    李小聪【白】《雷锋日记》呀！

    刘大婶【白】

    《雷锋日记》?!哦，喺呀，而家人人都向雷锋学习。你而家就唔好学住嚹，你最紧要快啲同我补好只获，我等住煮潲咖。

    李小聪【白】

    大婶呀，你喺咪想快啲呀？如果想快嘅，最好揾个人帮嘎我手。

    刘大婶【白】做羊野呀？

    李小聪【白】拉风箱！

    刘兰英【白】拉风箱，我最会拉——

    刘大婶【白】

    哎吔，睇嘎你呀，拉唔喺拉萝，又我最会拉——

    (兰英帮忙，小聪生火，见大婶在旁，想法支开介)

    刘兰英【白】妈呀，你徛喺度做羊野呀？

    刘大婶【白】我呀，喺度睇嘎萝！

    刘兰英【白】

    妈呀，你仲唔冲壶茶畀过师傅仔饮。

    刘大婶【白】

    呀，喺啵嘎！好好好，师傅仔呀，等我去煲滚水，冲碗马蹄粉畀你食嘎。

    李小聪【白】大婶，唔好咁客气嚹。

    刘大婶【白】

    唔紧要！不过，你最紧要同我补好啲就得勒。

    拿，我去嚹。

    刘兰英【白】

    小聪呀，你听到嘛，阿妈话冲马蹄粉嚟招待你呀。

    李小聪【白】得勒，唔好讲咁多，我的郁手啦。

    (俩人相视一笑，开始工作介)

    刘兰英【西皮连序下句】

    手拉风箱呼呼响，火炉烧得红旺旺。

    李小聪【接唱】

    女婿补获来，外母不知详。

    刘兰英【接唱】

    操作要留意，当心手烧伤。

    李小聪【接唱】纵然烧伤不紧要，

    刘兰英【接唱】只怕我亲娘，难改旧思想。

    李小聪【浪里白】

    行船莫怕滩，跑马莫怕山。

    帮助你亲娘，换上新思想。

    刘兰英【接唱】风箱扯得呼呼响，

    李小聪【接唱】炉火烧得更红旺。

    刘兰英【接唱】我用力拉动，

    李小聪【接唱】我用心来补。

    刘兰英【接唱】拉呀拉，

    李小聪【接唱】补呀补。

    刘兰英【接唱】拉呀拉，

    李小聪【接唱】补呀补。

    英  聪【合唱】

    小聪(兰英)好同志，教育我(你)亲娘，改变旧思想。

    刘大婶【西皮连序下句/边唱边上】

    听见风箱呼呼响，火炉闪闪光。这位后生哥，生得好模样，诚实又伶俐，随身带文章。

    (叹腔)只可惜无志气，入错补获哩一行！

    刘大婶【白】师傅仔呀，只获补成嚸呀。

    李小聪【白】补好左一大半嚹。

    刘大婶【白】等我睇嘎你嘅巧手艺。

    李小聪【白】好呀，请大婶指教！

    刘大婶【白】(上前看介)

    哈，真喺睇唔出啵，年纪轻，手艺老，破获头，补得好。

    刘兰英【白】鲠喺啦，人的喺家传手艺呀嘛。

    刘大婶【白】你又嚸知呢？

    李小聪【见兰英支吾/白】

    喺我嚿先同佢讲嘅。大婶，你睇你只烂获补得好唔好呀？

    刘大婶【韵白】嘿！

    功夫无花假，唔喺大婶把你夸，年纪轻轻好手艺，将来一定喺个补获……

    刘兰英【韵白】专家！

    李小聪【韵白】手艺粗糙未到家。

    刘大婶【韵白】

    唔喺大婶吹牛把口夸，我头髪虽花眼不花，一眼看出人好丑，一眼能数五十只猪花。

    李小聪【韵白】

    大婶本领夸啦啦，可惜有人眼力差，沉香当烂柴，龙驹当瘦马。

    刘大婶【白】喺边个呀？

    李小聪【白】喺我外母。

    刘大婶【白】嘎！哈哈…

    哩点我就睇唔出嚟勒，乜原来你结左婚嘅拿。

    李小聪【急白】

    未呀未呀，大婶，你唔好乱讲呀，我的下定决心：要、晚、婚。

    刘大婶【白】

    哦，而家喺谈紧恋爱喺嘛。嘿！好后生！唉，喺呢，咁你嗰个外母又睇唔中你呀？

    李小聪【白】外母呀，大婶！(大婶随口应介)

    李小聪【七字清】

    外母嫌我当补获匠。开口闭口说我入错行。话我黒口黒面似玄坛一样。长年累月踎在屋旁。劝她女儿另找对象。大婶你说应不应当。

    刘大婶【接唱】

    难怪你外母有咁嘅思想。似你聪明能干手艺强。

    刘大婶【滚花】

    嚸解七十二行你唔挑，为何要当补获匠?

    李小聪【白】

    羊野话?!原来你老人家，又同埋我外母思想一样咖？你只烂获，我唔同你补嚹。

    刘大婶【白】

    羊野话羊野话，唔补萝，哎吔，咁嚸得咖。

    刘大婶【爽二簧】

    你补得唔三唔四，我亦无，用场。

    李小聪【接唱】

    请你另找高明，我要收炉，不干。

    刘大婶【接唱】

    何以收炉不补，为了，哪桩。

    李小聪【接唱】

    你看不起我哩一行，我看不起你的，思想。

    刘大婶【接唱】

    你年轻脾气大，凡事要好好，商量。

    李小聪【唱序】没有什么好商量。

    李小聪【 白 】

    你嫌我补获无出息，你揾个有出息啦。

    刘兰英【故意打猪叫/白】

    妈阿妈，啲猪仔饿到哕哕叫嚹。

    刘大婶【手足无措地/白】

    哎吔…哎吔师傅仔呀师傅仔，有道为人为到底，补获要补齐呀嘛，咁嚸能够补到一半又唔补嘅呢。

    李小聪【白】

    你嘅思想唔改变，我就唔补！

    刘兰英【白】

    妈阿妈，啲猪饿瘦左，队里就会受损失嘅嚹。

    阿妈，咁嚸样呀?!

    刘大婶【焦急地/白】

    哎吔兰英，你帮阿妈手，劝嘎佢啦。

    刘兰英【白】

    我去?!又好！喂，补获仔，你咪以为你了不起啵，你终日在“屋檐角下踎，满面尽灰尘”，难怪你外母睇唔中你，我都睇唔起你呀。冇你补获我的一样能够煮猪潲，我阿妈一样能够受表扬。走啦走啦！

    (大婶在旁听见更急介)

    李小聪【白】我走！

    刘大婶【白】

    唔好走住，咪走住咪走住，有事好好商量呀。

    李小聪【白】我要走！

    刘大婶【急拦介/白】唔走得！(恼火地)

    好！唔补就罢就。哼！学得尐咁多本领唧，就响度虾人萝啵喺嘛？我问嘎你呀，你学习过…《为人民服务》未呀？仲带住本《雷锋日记》，喺度装模作样！你呀，你对集体养猪事业嚸睇法呀？你呀，你逢年过节，想唔想食猪肉呀？

    李小聪【白】哼，嚸解我会唔想食猪肉呀？

    刘大婶【白】

    哦，乜你都想食猪肉嘅羊？咁我再问嘎你勒，你既然想食猪肉，咁又使唔使养猪呀？

    李小聪【白】当然要啦。

    刘大婶【白】咁既然要养猪，咁使唔使煮潲呀？

    李小聪【白】当然要煮潲！

    刘大婶【白】既然要煮潲，咁使唔使获头呀？

    李小聪【白】当然要嘛！

    刘大婶【白】

    既然要获头，咁个获头烂左，使唔使人嚟补呀？(质问介)嘎，讲啦，讲啦，嚸解唔出声呀？补获仔！你喺学校读书嘅时候，嗰啲老师喺嚸样教你咖？

    刘兰英【白】

    喺呀，你老师嚸样教你咖：“对于哩种错误嘅思想，就喺要斗争”！

    刘大婶【以为女儿帮自己/白】

    对勒！好似你哩种咁嘅服务态度，逢年过节你就唔配食肉，你呀，只配食骨头！

    李小聪【白】

    好！逢年过节我就食骨头。不过，我想问嘎大婶你一句，你老人家为乜野事干会得到表扬呢？

    刘大婶【白】凭我养猪养得好唧。

    李小聪【白】

    咁我再问你勒，你养猪要唔要煮潲呀？

    刘大婶【白】当然要煮潲勒。

    李小聪【白】咁煮潲又要唔要获呢？

    刘大婶【白】鲠喺要获啦。

    李小聪【白】

    既然要获，咁只获烂左，又要唔要人补呀？

    刘大婶【白】哎吔，鲠喺要人补啦。

    李小聪【白】要啦嘛？

    刘大婶【白】要定啦！

    李小聪【白】

    大婶，如果人人都似你咁，睇唔起补获嘅人，嗰阵时，边个愿意学补获呢？拿，你今日只获烂左，又边个同你补呀？

    (追问介)你讲呀?!你讲落去啦，嚸解你老人家又唔出声呢？

    刘兰英【白】妈，你冇道理嚹。

    李小聪【士工慢板】大婶！

    革命工作是整体，好比一部大机器，你养猪要我来补获，我补获还须，靠炼铁。钢铁工人神通广，也要吃饭和穿衣，吃饭离不了农民，穿衣又要，靠纺织。

    李小聪【直转七字清】

    七十二行都重要。彼此相靠不能离。

    刘大婶【白榄】唉…对、对！

    搅左大半天，还喺我唔对。劳动我分贵贱，不辨是和非。

    (不好意思介)

    师傅仔呀你莫怪，有理我服输。只怪我学习少，所以错误思想未清除。

    李小聪【白榄】

    只要你认识过嚟，烂获帮你补到满意。

    刘大婶【白榄】

    兰英呀，你快去冲马蹄粉啦。(介)沙糖要落多啲呀。

    刘兰英【白】知到嚹！(笑下介)

    刘大婶【白】

    师傅仔呀，等我攞啲烟出嚟畀你食嘎。

    李小聪【白】

    大婶，唔使嚹，我唔会食烟咖。(双关地)唔使咁客气勒，我的就喺一家人。

    刘大婶【白】对！一家人。等我嚟帮你拉风箱。

    李小聪【白】唔使嚹唔使嚹！

    刘大婶【白】

    唔紧要唔紧要，我嚟我嚟。师傅仔，仲唔快啲补起嚟。

    李小聪【减字芙蓉】好！

    烧熔铁水补获头，小聪心中暗欢喜。

    刘大婶【接唱】

    我拉风箱炉更旺，师傅仔补获汗淋漓。

    李小聪【吊芙蓉】螺丝虽小用处大，

    刘大婶【接唱】莫把补获来看低。

    刘兰英【接唱】补获哩行重要不重要？

    刘大婶【接唱】重要！哩行缺少成问题。

    刘兰英【三字清】有什么问题？

    刘大婶【接唱】会饿坏猪仔。

    李小聪【接唱】破获补好了！

    刘兰英【接唱】快煮潲喂猪。(腔收)

    刘大婶【楔白】睇嘎，哎吔，真喺补得唔错呀。

    婶  英【合唱百花亭闹酒】

    好功夫，技巧老到，补得光滑、牢固。破获再返新，多亏有小师傅。

    刘大婶【白】嘿！真喺补得唔错呀。

    师傅仔呀，嚿先你唔喺话，你嗰个外母又喺睇唔你补获嘅？依我睇呀，你再去同佢补多两只获，把嚿先同我讲嘅说话，再同佢讲一次，我包保佢一定会通。

    李小聪【白】

    大婶呀，我外母思想，已经通左嚹。

    刘大婶【白】羊野话，通左萝？几时通咖。

    李小聪【白】喺我嚿先同佢讲通嘅！

    刘大婶【怀疑地/白】嘎！你鲠喺……

    李小聪【白】我就喺李小聪！

    刘大婶【白】嘎！

    哎吔，兰英，你个俏皮女，你的究竟做嘅喺乜野戏咖！

    英  聪【科反/白】我的喺做粤剧《补获》！

    刘大婶【恍然/白】哎吔！

    剧终